Kandidati për kryeministër nga radhët e Lëvizjes Vetëvendosje Albin Kurti përmes një statusi në rrjetin social Facebook ka treguar se kjo parti po rritet çdo ditë, shkruan Arbresh.info.

Kurti këtë komente e ka bërë pas një takimi që kishte në Drenas ku qindra qytetar  përkrahin Lëvizjen Vetëvendosje.

“Që Lëvizja po rritet në krejt Kosovën, e vërteton entuziazmi që gjetëm në Drenas, ku i bëmë disa takime në qytet e në fshatra” ka thënë Kurti

Më poshtë mundë ta lexoni statusin e plotë të tij:

Që Lëvizja po rritet në krejt Kosovën, e vërteton entuziazmi që gjetëm në Drenas, ku i bëmë disa takime në qytet e në fshatra

Drenasin ata që e kanë konsideruar bastion, e kanë shkatërruar. Drenasi dikur ka qenë i industrializuar, e sot falë privatizimit të korruptuar, është varfëruar.

Politikat tona janë për rivitalizimin e industrisë, që do të thotë ringjallje e Ferronikelit i cili sot funksionon me punësim minimal e fitim maksimal.

Po ashtu politikat tona për zhvillimin rural do t’i ndihmojë fshatrat e Drenicës dhe krahinave të tjera që të zhvillojnë bujqësinë, por edhe që të kenë infrastrukturë, arsim e shëndetësi cilësore pranë vendbanimeve të tyre.